SAPOR vel SAPORES II

SAPOR, vel SAPORES II.

iam in sinu matris, Rex agnitus est, imo iam in utero matris, coronâ ventri gravidae reginae impositâ, coronatus teste Agathiâ l. 4. patri Hormisdati II. successit: quem cum audiret Constantinus Magnus, Nisiben aggressurum esse, ei obviam cum copiis profectus, in itinere, obiit A. C. 337. Fil. dein eius Constantius, A. C. 338, 345. et 349. copias contra eum misit, prope urbem Sangarum, ingenti praeliô noctu commissô, Hieron. in Chron. Amm. Marcellin. etc. qui posterior Amidae tum fuit, cum a Sapore capta esset, post victos sub Sabiniano Romanos. Hinc horrendae persecutionis erga Christianos initium, quos Iudaeorum et Idololatrarum furori Barbarus, illos hostes status sui esse ab iis persuasus, exposuit: Infelix perpetuo contra illum Constantius fuit, nec non Iulianus, et Iovinianus quoque, pace factâ, Nisibe urbe, aliisque locis illi cedere coactus est. Qui bellum redmtegravit, A. C. 370. in Armeniam itrumpens, sed non eôdem successu. Obiit A. C. 380. regni 20. Vide Sozomen. l. 2. Socr. Agathiam, Ammianum, Eusebium, etc. Illum excepit Artaxerxes II.